香港新浪網 MySinaBlog
gOLdfiSh | 13th Jul 2009, 20:25 PM | **旅行回憶** | (18 Reads)

實在太耐沒有打blog, blog 仍然係分享生活點滴的最佳途徑...

 

今次想同大家分享是次歐遊之旅,東南亞國家,感覺就好像是回家一樣(感覺每個國家都差不多)....有朋友問為什麼要去歐洲,英國等地....原來只為一張相....就是看了舊同學們 Facebook上的一張相,相比以前旅行目的地有很大不同.....感覺告訴自己....下一個目的地,就是”~ 歐洲!

 

二零零九年六月十一日晚上,一個人背著背囊及手拉唿出發到機場,踏上首次歐遊之旅,是次行程的頭十天係『一個人遊倫敦及牛津』,直到第十一日至第二十九日會有好朋友同行,一齊發掘更多新奇好玩既行程&旅遊經驗,稍後一一為大家奉上.....很久沒有一個人坐著巴士出發機場啦,以往出機場都係為左工作,離開舊公司之後,坐機場巴士既次數可說是『一隻手』數得曬呀,到機場後即時尋找航空公司的Check In Counter,務求盡快將又大又重既行李先寄倉,之後就去書店買定本Magazine,以免沉悶時有所寄託啦.....

 

今日既登機閘日係17號,超方便又唔駛坐無人駕駛,差不多零晨十二點先開始Boarding,上飛機前打電話給Daddy Mummy報報平安,給家人多一個安心後,就關上電話, 拿出登機證及護照給航空公司職員作最後檢查,就尋找我的座位,上到飛機後先發現行李架已經沒有位置安放我的大大背囊啦,唯有向Airline Crew求助,完成後便乖乖坐回自己座位,開始我的航程啦...

 

乘坐超過12小時既飛機,於同日早上六點半終於到達首站目的地~英國倫敦,開始首次歐遊之旅,今次既選程只有三個國家,英國、西班牙及德國之旅,集中三個國家,可以輕鬆一點,悠遊一點.....

 

到達倫敦希斯路機場,每個乘客都趕著取回自己的手行李,希望最短既時間可以離開飛機.....而我卻選擇最後才慢慢離開客倉(反正有時間),由於希斯路機場實在太大,因此客機需停在較遠位置,所有乘客及機組人員必須轉乘接駁巴士前往客運大樓.....到達客運大樓才知道有很多很多很多人排隊入境呀。

 

完成入境手續及取回行李,就準備離開 London Heathrow Terminal 5,出發前幾天得知倫敦地鐡員工罷工,幸好罷工於下飛機的一刻完結,完成不受影響,否則可能要改乘火車或巴士,價錢貴左而且時間又耐左......算是幸運旅途的開始吧…由 London Heathrow 機場入市區最平既方法就係乘坐地鐡Underground (單程車票只需GBP4, Oyster Card 只需GBP3.8),由London Heathrow Terminal 5 坐了50分鐘Underground Greenn Park (幸好該車站有電梯) 轉車到 Willsden Green 車站(但部分London Underground 都沒有電梯,要有花不少氣力才將20kg 行李加大背囊運上地面大堂,出閘後就搵士多買張電話卡&致電Hostel 職員。(注意:有接送係好,不過要到無電梯既車站等候,由於呢間 HostelReception 當值,否則由另一個車站Kilburn步行只需十分鐘,而且Kilburn有電梯唔駛搬行李。)

 

返回Hostel 完成入住手續後,就執拾行李及準備午餐,食飽飽之後就出發前往第一個景點,先由Hostel 步行十分鐘到最近既Kilburn (Zone 2)車站前往Tottenham Count Road 車站,步行十分鐘左右就到達世界著名既大英博物館British Museum (倫敦有很多博物館都是免費入場,但建議捐贈GBP2-5作為營運經費),入內後發現實在太大及太多展覽品啦,建議大家先參考旅遊書或地圖,根據個人需要參觀,否則三日三夜都睇唔曬。作為一個香港旅客,看見館內展覽品的種類多不勝數,一邊讚賞古代文明,又一邊想起為什麼英國人可以像盜賊般從其他國家搶奪這麼多文物,由細細件既文物,到一幅幅名畫,甚至一個個城門都搬回英國.....是大盜還是藝術收藏家.... (不過文物留在原本的國家,又會否得到好好保護就不得而知啦。)參觀左三個小時,直到晚上六點幾行到小腿酸痛後,映相映到相機無電既時候,才捨得離開大英博物館,原本想行返去Tottenham Count Road 買點食物就返Hostel,點知原來London Underground 一般距離不還,步行八分鐘可以到Holborn 車站、步行十分鐘可以到Convent Garden,所以我選擇慢慢步行至Convent Garden,看見有不少Pub & 精品小店,車站對面仲有Mark & Spence (香港M&S主要賣衫&零食,英國既M&S就係賣衫及猶如一間Supermarket,由於倫敦餐廳食物對於我黎講太貴啦,寧願花點時間係Hostel 晚餐會更化算,因此買左包意粉&香草蕃茄意粉醬(只需GBP2就可以食4-6餐,仲可以有不同口味自由選擇,外出餐廳晚餐最平都要GBP7,好少少的都要GBP20-30呀。)返到Hostel 後,同房既room-mate Max 告知今日有另一個香港人Victor入住,即刻開心到.......連晚餐都唔整就搵佢傾下計....講下廣東話啦。大家都係第一日第一次到倫敦,大家傾傾下行程&交換facebook後已經十點幾啦,連晚餐都唔食就累到要沖涼訓覺啦.....雖然係hostel,但張床都幾舒服&環境不錯啦....

 

於倫敦既頭八日七夜就預訂左呢間 Accomodation London (係因為佢地既要求最少入住七晚,見它位置不錯,價錢又合理就選擇左佢啦。)整體黎講間Hostel 都不錯既,我訂左6-beds Female dorm with share facilities,該hostel 以集團形式運作,同區有不少物業short term 出租給旅客及long term 於倫敦工作的外地人(european & scoltland 人士),呢座building 大概有十多間房間供三十多人居住,有四個well-equipped kitchen, toilet , 洗衣機及乾衣機(每次收費約GBP4-5),基本上都係外地旅客,因此大家都很願樂意分享大家既旅行經驗、資料&提出意見,這就是住Hostel 既好處吧。


gOLdfiSh | 15th Apr 2009, 22:14 PM | 生活點滴~** | (37 Reads)

唔經唔覺, 我辭職已經兩個多月啦. 估唔到D 時間咁快過左兩個月啦....


gOLdfiSh | 29th Jan 2009, 18:42 PM | 生活點滴~** | (34 Reads)

 真的不好意思, 之前打了一篇文章又post 唔到, 直到今日係公司先有時間再post....

實在太長時間沒有更新文章啦....希望各位朋友友不會介意啦....昨天跟一班舊同究去了Hotel Nikko High Tea, 言談間真的很掛念以往一起工作的日子呀, 可惜而家只剩下我一個人仍在這間『沒有架構, 沒有希望』的公司工作了《雖然仍有一兩位好朋友, 但是他們亦會於短期內離職》,希望明年經濟轉好時, 可以離開這間『不值得留戀』的公司啦....晚上跟一班舊同學dinner gathering, 去了旺角一間小小的日式小店,雖然地方不大, 以這個價錢真的很不錯啦(根據Opnrice的評論, 價錢只是$40-$100左右,而我們就$120左右啦, 哈哈, 因為我地瘋狂地點菜呀,就例如精選menu ....唔該No.1-No.8 ....唔該加埋該個....不如再加呢個囉, 加加加加....叫叫叫叫.....) 而食物及環境真的不錯呢, 大家了一個很愉快的晚上....圖片方面Upload facebook 分享。(不好意思, sIna upload 相片, 對我來說比較麻煩啦。),如果大家下次經過旺角, 不妨去試試呀, http://www.openrice.com/restaurant/sr2.htm?shopid=20081

回家後, 雖然有累, 但想到仍有三份功課未完成...還是不想睡....最後又給電視節目打敗了, 又看了零晨三點多才捨得去Sleep....無意中看到明珠台有一套電影叫《Before Sunset 日落巴黎》覺得真的很不錯, 原來仲有上集叫《Before Sunrise 情留半天》, 可惜沒有中文字幕, 看得有點吃力, 但感覺很好.


gOLdfiSh | 28th Dec 2008, 20:08 PM | 生活點滴~** | (42 Reads)
唉.....打了一篇新文章...想跟大家分享...可惜又post 唔到...

gOLdfiSh | 6th Nov 2008, 23:28 PM | 生活點滴~** | (49 Reads)
獅子座,一個博愛和充滿陽光,能量的星座,其實獅子座的人很嚮往愛情,他所擁有的愛情有的時候不是真的愛情,或者只是一種嚮往或者是自己的夢想,說白了就是獅子座的人最愛的是自己,他要讓自己發光發熱,獲得別人的愛和崇敬,在這其中,他能夠體會到這種來自他人的關愛而感到愉悅,於是,他就愛上了別人。。。可是,獅子座的我們想想,仔細想想,你真的愛了嗎?真的像你說的那樣的愛嗎?

究其根本,我們愛了,是因為我們愛自己,獅子座的人的自戀程度可以說是十二星座之首,他可以因為別人的崇拜的目光或者是弱勢的態度而展現自己的愛和博大胸襟,但是,這不是純粹的愛;

此外,獅子座的人很喜歡征服感,或者他不愛你,或者還不足夠愛你,但是為了一份征服感,他或者會''上你,以證明自己的非凡魅力,當然,獅子座的人很不願意傷害別人,因為他的內心是善良和充滿正義感的,他是重視原則的人,但是,如果他做了傷害別人的事情,即便出於面子他沒有說什麼,但是其實內心裡他會真的好自責好內疚的,雖然別人看不到,但是他的確會好難過。

獅子座的人,無論男女,都很容易陷入一份感情,但是熱情來的很快,冷卻的速度也快得驚人。如果他可以對一份感情持續很長的時間,那麼恭喜了,說明你真的很強勢很有魅力,足以讓他對你死心塌地,否則,獅子座這種內在沒有安全感又很敏感的動物,很可能從更有魅力和新鮮的事物上找溫暖,因為,獅子座的我們看起來好堅強好陽光好樂觀,但是骨子裡面的不安感從未消退過,表面的自信只不過是保護自己的盔甲,但並不是很真實。

同時,獅子座的人也可以很絕情,這點我認識所有的獅子座的人也包括我自己都很像,不可能吃回頭草,字典裡沒有'後悔'或者'回頭'這兩個詞,因為獅子座的人很愛面子,自尊心比什麼都重要,一旦放棄了或者決定了,就不可能回過頭去改變,獅子座的人也很怕被傷害。寧可錯過一份感情,寧可放棄。寧可不要,也不會冒可能會被傷害的危險,因為太不值得。。。

獅子座的人喜歡熱鬧,但是也很享受孤獨,他可以把這兩者之間搞得很平衡,他很喜歡跟朋友一起,瘋狂的玩鬧,成為一個party的主角,但是回到家裡,他立馬就可以變得異常安靜,不喜歡被打擾,他需要自己的空間來思考,如果不給獅子這個空間,對他步步緊逼,那麼他一定會抓狂,變得不可理喻,他還會離開你,因為在獅子的字典裡,'自由''自我'這兩詞的比重幾乎佔據了全部。


還有,獅子座的人很喜歡新鮮的,華麗的,有質感的,昂貴的,有品位的東西,他也喜歡樸實,但是卻不喜歡無聊和無趣,他害怕一成不變的枯燥,他害怕今天就能預見明天的可能性,他喜歡為止的新鮮有趣的事物,如果你恰好具備了這一點,那麼你和獅子座的人很配合。

獅子座的人有兩種不同的傾向,一種是很喜歡天然的東西,不喜歡過多的修飾;另一類是很喜歡奢華另類奇特的事物,更多是獅子座是兩者兼有,但是欣賞另類特別和高雅的事物,對於愛人的選擇上,可能也會結合這個標準。

獅子座的人很寬容,通常不會因為小事而斤斤計較,他們喜歡展現自己與眾不同的仁慈心和獲得尊重。對於過往的愛人,獅子座的人很少去探討是誰的功過是非,無論當時對方有多傷害自己,但是過去了就過去了,獅子座的人不會去詛咒或者怨恨,因為他們喜歡向前看,他們不喜歡做八婆和有損自己高貴形象的事情。獅子座的人相信,只要自己完美和努力,幸福就在前方,更美好的一定在等待著我們!!

gOLdfiSh | 24th Sep 2008, 00:39 AM | ** 各位好友,請注意 ** | (67 Reads)

I just received a notice from HKU. I will take Tourism Bahaviour on Wed and Events, Entertainments and Conventions on Fri since the end of October. Also, it is the last term of my Advanced Diploma program, both of them will be end in middle Feb 2009.

With my plainning, I will take a short rest after the program around 3 months or half an year, then may take another program for Bachelas Degree. I am nervous in what kind of degee program should I taken?

- Bachelas Degree in Tourism Management -- Non-honors  and it specifics in Tourism industry which included Travel Agents, Hotels, Airlines and Events etc.

-  Bachelas Degree in Business Management -- Non-honors which widen apply to all business industry which did not have specification.

- Bachelas Degree in Business Management -- honors, I did not found any program is suitable for myself and I think it will more expensive than the others. Also, the entry requirement will be more strict.

Howevre, I will study in Bachelas Degree(honors) becasue it is one of the requirement if I wanted study in Master grade. Although I did not plan to study in Master grade, I think it is a preparation  for futune.

 PS: I am sorry for any mistakes of above post, I think write in English could improve my written standard. Please let me know any mistakes as above.

 (閱讀全文)

gOLdfiSh | 7th Sep 2008, 17:42 PM | 生活點滴~** | (66 Reads)

首先,要向我既好好好好好同學及好朋友rUbY 小姐,講聲『生日快快快樂先。』,雖然我地已經唔同班別,大家都亦忙於應付大量功課及各科測及考試,不過我一定唔會忘記我們大家開開心心返學既日子呀,亦都唔會忘記你地為我慶祝生日既情景呀,真係好掛住你地呀。

唔知係唔係因為返學太忙,定係小金魚已經成熟左,以前每個週未都會安排不同既節目,亦都會主動約會不同既朋友去不同既活--> 因此,每次放完假,仲慘過返工。近幾個月,如無特別事情都不想安排太多事情及節目,特別呢兩個月呀,如果週未唔約人,就會選擇留係屋企,好似上星期六及上星期日, 尋日&今日都係選擇留係屋企,朝早訓到自然醒來,差不多下午茶時間先慢慢到樓下酒樓食少少野,飲完茶就返屋企休休閒閒做下功課, 執下屋(唔包括自己間房,因為太混亂。),好似今日咁,輕輕鬆鬆又一日啦,真係好舒服(今日除左打日記,個腦基本上無諗過其他野)。

就好似尋日咁,欣欣打左幾次電話叫我陪佢返大陸按摩,雖然腰骨有點累,但是以往就是做了太多按摩,前一陣子沒有時間去按摩,周身唔舒服咁,Wing Wing 及Snowie又唔得閒,只有兩個女仔返去,好似太少人又太無聊咁....雖然有心癮但拒絕了欣欣的建議呀~*

今日貞貞又問我,點解呢排唔攬活動,就如即將到來既中秋節,年年都會約埋大家BBQ,但是今年個個都唔得閒,因此仲未決定是否成行呀.....最終可能係取消,不過她們忙...都無辦法....暫時打住咁多先啦...


gOLdfiSh | 26th Aug 2008, 01:32 AM | 生活點滴~** | (58 Reads)

經過尋日既星期日,休息了一天就要返工,今日返到公司好似勁Busy,好似好多野做極都做唔完咁,唔經唔覺到左放工既時候,但手邊還有很多很多未完成既工作,幸好我的工作並不是急件,『長命工夫長命做』,所以我選擇準時放工,明天再努力。

今日係姑姐休假日,約埋BB去左MK行街街,順便去左油麻地MK1拎野,差不多七點幾先見到佢,原來佢地為左部維修電話先會去旺角,未開始行街街,佢地已經叫住肚餓,唯有先填飽佢地個肚仔先啦,今次既晚餐又係『九代既日本菜』,不過今次好似加左價&壽司細件左。不過價錢仍然係抵食既,而且服務都不錯,仍然係強烈推介既半磅三文魚只售$25及盬燒三文魚頭只售$25,而且好好味,三個人只係食$330左右,OK啦~*

之後去左旺角中心及新之城Shopping,這就是『女人天性』,無論返工有多累,只要說起Shopping就會好開心,今日既戰果係兩對平底鞋、一條短褲仔、兩件返工衫及三件背心,成果不錯,不過下次要忍一忍手先得啦~*


gOLdfiSh | 24th Aug 2008, 19:04 PM | 生活點滴~** | (37 Reads)

好開心呀, 尋晚約左一班中學同學仔係TST Neway 唱K,真係超超超超耐無見,雖然好多年無見,不過大家都好似無咩點變。話說因為Facebook,我地搵返好多好多同學&朋友,就係因為大家好耐無見。相信大家唔會咁快忘記『鸚鵡』既利害,差點因為『鸚鵡』既到訪而取消呀。

今次既活動地點又係尖沙咀港晶Neway,貪佢地點又方便,又係新裝修呀ma,最重要係d食物又不錯呀ma。尋晚七點幾上到去,嘩.........超多人呀,好彩Kiwi打電話去訂左位,否則都唔知等幾耐,臨攞位既時候,仲聽到旁邊有d人想拎飛等位,可惜Reception話今日已經Full Booking,真係唔知要等幾耐。我地等左十分鐘就有房啦~*

大部分朋友仔都係準時既,可惜亞恩又係因工作關係,差不多九點先到場,仲要忘記拎禮物&Cake呀,仲要話今日拎俾我(可惜仲未收到),真係想打巴佢呀,不過念在佢真係有心整左個Birthday Cake,暫時原諒佢啦。

整體黎講,雖然大家好耐無見,不過氣氛都不錯呀,特別就係Brian呀,當大家講返以前返學既野,大家都勁笑,又係邊個亞sir & 邊個Miss d 好笑野囉。期間,到左映相既時候,除左大合照,我地亦都分班別映相呀,最好笑就係Ada竟然唔記得自己讀過邊班,就算記得,都只有佢一人呀,勁慘囉,要自己一個映『班相』,哈哈。


gOLdfiSh | 22nd Aug 2008, 16:24 PM | 生活點滴~** | (46 Reads)

哈哈.....又多左一日假期啦.....

回想一下,好多好多年都年打過九號風球啦,如果唔係同事提及,仲以為八號之後,就係十號呀,可能個風向原因,我屋企外面仍然係風平浪靜,不過我估明天早上應該或者可能會係三號啦,如果係就要返工啦,但係風平浪靜後,多數都係橫風橫雨架啦....

另外,明天晚上還約了朋友唱K,唔知聽日既天氣情況如何呢,好期待明晚的聚會呀,約了兩位很多很多很多年沒有見面的中學同學仔呀,因為其中一位係海外工作,因此.....很期待跟他們既聚會呀。除此之外,原定上個月的生日,因為大家都Busy中而取消了,有一位朋友透露會有一個Surprise 呀,不知道是係驚嚇定係驚喜呢。

順便一提,由於之前忙於mid term,所以無咩時間寫blog,不過上星期既Hotel & Resort Management 已經有左結果啦,竟然喜出望外有74分呀.....比想像中好多呀,真係好開心好開心呀。另剛剛星期三完成的Attraction Management mid term test,希望快d有結果啦,有點緊張及擔心呀。


Next